آخر تحيين للنصّ الرسمي: 27 أكتوبر 2026
ترجمة للتوضيح بالتونسي. النصّ الفرنسي المنشور متوفّر زادة.
المسؤول على معالجة المعطيات
GO MY CODE، شركة ذات مسؤولية محدودة، Lot 111, Place Tahar Haddad, Les Berges du Lac, 1053 La Marsa, Tunis — Tunisie، السجلّ الوطني 1485193A. المعالجة تتمّ حسب القانون الأساسي عدد 2004-63 المؤرّخ في 27 جويلية 2004 والمتعلّق بحماية المعطيات الشخصيّة.
شنوّة المعطيات اللي تتجمع؟
- الحساب: الاسم، الإيميل، رقم التليفون وشعبة الباك.
- استعمال المنصّة: التقدّم في الدروس والتمارين.
- المحادثات مع المرافق الذكي والملفات اللي تبعثهم في الشات.
- الحصص المباشرة: التسجيل والحضور.
- الاشتراك المدفوع: وصل الخلاص.
- فورمولار الاتصال: الاسم، الإيميل والرسالة.
- التصفّح في الموقع والتطبيق: الصفحات اللي تزورها، نوع الجهاز والكوكيز.
علاش نستعملوها؟
- باش نوفّروا الخدمة: المحتوى، متابعة التقدّم، المرافق الذكي والحصص المباشرة.
- باش نسيّروا الحساب والاشتراك ونجاوبوا على طلبات المساعدة.
- باش نحسّنوا المنصّة بقيس الزيارات.
- باش نقيسوا نتائج الإشهار متاعنا.
المعطيات ما تتباعش.
مزوّدي الخدمات
نخدموا مع مزوّدين يعالجوا بعض المعطيات على حسابنا:
- الاستضافة: Google Cloud وVercel.
- المرافق الذكي: مزوّدي نماذج الذكاء الاصطناعي (Anthropic، OpenAI، Microsoft Azure، Google)، باش يولّدوا الإجابات.
- تسجيل الدخول والإيميلات: Stytch وSendGrid.
- التثبّت من رقم التليفون: WhatsApp (Meta).
- الحصص المباشرة: Zoom.
- الخلاص على الخط: Flouci؛ معطيات البطاقة البنكيّة ما توصلناش.
- قيس الزيارات والإشهار: PostHog وGoogle وMeta.
بعض المزوّدين هاذوما موجودين برّا تونس.
قدّاش نقعدوا نحتفظوا بيها؟
- الحساب والتقدّم والمحادثات: طول ما الحساب موجود، ولا لين تطلب الحذف.
- وصولات الخلاص: المدّة القانونيّة المحاسبيّة والجبائيّة.
- رسائل فورمولار الاتصال: الوقت اللي يلزم باش نعالجوا الطلب، ولا لين تطلب الحذف.
- قيس الزيارات والإشهار: حسب مدّة الحفظ متاع كلّ مزوّد.
المحادثة اللي تفسخها في التطبيق ما عادش تبان فيه؛ باش تتفسخ نهائيًّا، ولا باش تفسخ حسابك، ابعث لـ support@gomyacademy.ai.
حقوقك
حسب القانون عدد 2004-63، عندك حقّ النفاذ والإصلاح والاعتراض والحذف. ابعث طلبك لـ support@gomyacademy.ai؛ الردّ في أجل أقصاه 30 يوم. تنجم زادة تتوجّه للهيئة الوطنيّة لحماية المعطيات الشخصيّة (INPDP).
القُصّر
المنصّة موجّهة للتلامذة اللي يحضّروا الباك. إذا المستخدم قاصر، التسجيل والاشتراك المدفوع، إذا اختارو، لازم يكونوا بموافقة أحد الوالدين ولا الوليّ القانوني.
الكوكيز
نستعملوا كوكيز لقيس الزيارات ولقيس الإشهار (PostHog وGoogle وMeta). يعاونونا نفهموا كيفاش المنصّة تستعمل، منها بتسجيلات التصفّح، ونقيسوا الإشهار متاعنا. في الموقع هذا، ما يتحطّوش كان بموافقتك، اللي نطلبوها منك في أوّل زيارة؛ وتنجم تبدّل رايك وقتلي تحبّ بالزرّ «إعدادات الكوكيز» في آخر الصفحة. في فضاء التلميذ، القياسات هاذي مربوطة بحسابك. تنجم زادة تمنع ولا تفسخ الكوكيز هاذي من إعدادات المتصفّح متاعك.
